Wednesday, February 18, 2015

თომას გოლცი - საქართველო

17 თებრვალს, 19:00-ზე ამერიკელი ჟურნალისტის თომას გოლცის წიგნის "საქართველო"-ს პრეზენტაცია გაიმართა. ქართული აუდიტორიის წინაშე წიგნის ავტორი თომას გოლცი და მთარგმნელი გიორგი ქოიავა წარდგნენ.

თომას გოლცმა თავიდან ბოლომდე გაიარა "ქართული ჯოჯოხეთის" ყველა რკალი 1992 წლიდან 2008 წლამდე - ომიდან ომამდე. პირდაპირ, შეულამაზებლად, მაღალპროფესიულად ასახა ნანახ-განცდილი. არის ამ წიგნში რაღაც ისეთი, რაც შეგძრავს და სამუდამოდ დაგამახსოვრებს თავს. ესაა სიმართლე, შიშველი ფაქტები, რომლებსაც ყველგან ვერ წაიკითხავ, რადგან ყველა ვერ ახერხებს ასე - მიკერძოებისა და ფარისევლობის გარეშე. ძნელი და, ზოგიერთ შემთხვევაში, შეუძლებელიც კია იმის აღქმა, რასაც ეს ფაქტები ამბობენ, მაგრამ უნდა გავუსწოროთ თვალი რეალობას, დავინახოთ, სად დავეცით, სად დავკარგეთ თავი.






გამომცემლობა „არტანუჯი“