ვანგოგენი | Vangogen

სალვადორ დალის ილუსტრაციები 1946 წელს დაბეჭდილი მიგელ დე სერვანტესის - „დონ კიხოტ ლამანჩელი“ -ს იშვიათი გამოცემისთვის.

1560 წლის შემოდგომის მზიანი დღე იყო. ესპანეთის პატარა ქალაქ ალკალას ერთ-ერთ ქუჩაზე მიდიოდა თორმეტიოდე წლის ბიჭუნა. ეცვა შინნაქსოვი ქურთუკი, ძველი წინდები და უშნო ქოშები. მხარზე ჩანთა ეკიდა, ალბათ, სკოლიდან ბრუნდებოდა. უცბად ბავშვმა მტვერში ხელნაწერით აჭრელებული ქაღალდის ფარატინი შენიშნა. სწრაფად დაიხარა და ხელი დასტაცა. ეს იყო ნაწყვეტი ძველი რომანსისა ესპანეთის სახალხო გმირ როდრიგო სიდზე. ჯერ კიდევ ყრმა სიდი გამოესარჩლა მოხუც მამას და დაამარცხა მისი თავხედი შეურაცხმყოფელი გრაფი ლოზანო, ყველაზე საშიში და მრისხანე რაინდი მთელ სამეფოში. ... გასწი აქედან, შორს, როდრიგო, გასწი აქედან, არ დამენახო, გულგოროზო კასტილიელო... კითხულობდა ბავშვი და თვალები უციმციმებდა, როცა აგონდებოდა ნაცნობი რომანსები საყვარელ გმირზე. ოქროს აბჯარში იჯდა იგი და მოსასხამი სუდარასავით თეთრ-სპეტაკი ებურა, ხმალიც გაშიშვლებული ხელში ეპყრა - ზარადშებურვილს. მიაგელვებდა მედიდურად მერანს, მდუმარე... განაგრძობდა კითხვას და მთელი მომხიბვლელობით წარმოუდგა სიდის სახე... ასე მიუახლოვდა ქუჩას, სადაც იდგა მამა...

2013 წელს არტ-ბაზარზე თანამედროვე ხელოვნების ნამუშევართა ყიდვა-გაყიდვა საკმაოდ მომგებიანი აღმოჩნდა. ამ წლის გაზაფხულზე დაფიქსირებული მაღალი ფასები შემოდგომაზე დაფიქსირებული სარეკორდო მაჩვენებლების მხოლოდ პრელუდია იყო. კრისტისა და სოტბის აუქციონებს 2013 წელს საკმაოდ დიდი ზრდა ჰქონდათ. ნიუ იორკში, კრისტის აუქციონზე თანამედროვე ხელოვნების გაყიდვებმა წელს 1.4 მილიარდ დოლარს მიაღწია (2012 წელს - 973.5 მილიონი); მკვეთრად გაიზარდა გაყიდვები სოტბის აუქციონზეც, რამაც წელს ჯამში 851.7 მილიონი დოლარი შეადგინა (794.7 მილიონი 2012 წელს). Francis Bacon - Three Studies of Lucian Freud, 1969 - $142,405,000 Andy Warhol - Silver Car Crash (Double Disaster), 1963 - $105,445,000 Jeff Koons - Balloon Dog (Orange), 1994-2000 - $58,405,000

1840 წელს, ახალგაზრდა ჩარლზ დიკენსი საკუთარ დაბადების დღეს ოჯახთან ერთად იტალიასა და საფრანგეთში გაემგზავრა, სადაც ტრილოგიის ერთ-ერთი  ნაკლებად ცნობილი, ნახევრად წარმოსახვითი, ზღაპრული ნაწარმოები შექმნა. ინდურმა დამოუკიდებელმა გამომცემლობა - „Tara Books“-მა იტალიელი მხატვრის - სივია სინიორინის 11 ილუსტრაციით გაფორმებული დიკენსის „იტალიის სურათები“ ხელახლა გამოსცა.

ფრანცისკო მანგადო - დაიბადა 1957 წელს, ნავარაში. 1982 წელს დაამთავრა ნავარას უნივერსიტეტი. ამავე წლიდან ასწავლის პამპლონას არქიტექტურულ სკოლაში. 2008 წლის ივნისსში დააარსა Fundación Arquitectura y Sociedad. 2008 წელს სარაგოსას გამოფენაზე შექმნილი ესპანური პავლიონისათვის 2009 წელს მიიღო ოქროს მედალი  Barbara Cappochin Biennial. 2011 წლის დეკემბერში ბრიტანეთის არქიტექტურის სამეფო ინსტიტუტმა მას RIBA-ს საერთაშორისო არქიტექტორის  სტატუსი მიანიჭა. სხვადასხვა დროს მოწვეული პროფესორი ჰარვარდისა და იელის უნივერსიტეტებში | ამ დრომდე მოწვეული პროფესორია შვეიცარიის ტექნოლოგიურ  უნივერსიტეტში.

1967 წელს, შეზღუდული ტირაჟით (250 ეგზემპლარი) დაბეჭდილი სალვადორ დალის ლითოგრაფია - ზოდიაქოს 12 ნიშანი. Aries  Taurus  Gemini  Cancer  Leo   Virgo  Libra Scorpio  Sagittarius  Capricorn Aquarius  Pisces

თურქმა ნობელიანტმა მწერალმა ორჰან ფამუქმა მაკედონიაში საერთაშორისო ლიტერატურული პრემია - „Tabernakul“ მიიღო. დაჯილდოების ცერემონიალზე სიტყვით გამოსვლისას მწერალმა აღნიშნა, რომ ბედნიერია ერთ-ერთი ყველაზე პრესტიჟული ლიტერატურული პრიზის მიღებით. ფულად პრემიასთან ერთად (5000 ევრო) ფამუქს გორან სტამენკოვის ბრინჯაოს ქანდაკება გადაეცა. საერთაშორისო ლიტერატურული პრიზი მაკედონიურმა საგამომცემლო სახლმა - Tabernakul შარშან დააწესა. მაკედონიაში ფამუქის სამი რომანი - „მდუმარე სახლი“, „გულუბრყვილო და სენტიმენტალური რომანისტი“ და „უმანკოების მუზეუმია“ გამოცემული. წყარო - turkishweekly.net

რუსულიდან თარგმნა - კონსტანტინე ვეკუამ რუსი ფილოსოფოსის, ნ. ბერდიაევის (1874-1948 წ.წ.) მოცემული წერილი აღმოჩენილ იქნა ბრიტანეთის მუზეუმის ხელნაწერთა განყოფილებაში. ადრესატს კი რუსეთის საზოგადოებრივი მოძრაობის ნობილი მოღვაწე ა. ტირკოვა წარმოადგენდა. იგი შედიოდა კადეტური პარტიის ხელმძღვანელობის შემადგენლობაში. 1917 წლის ოქტომბრის შემდეგ აქტიურად მოღვაწეობდა ანტიბოლშევიკური წინააღმდეგობის ორგანიზებაში. იზგოევთან ერთად გამოსცემდა არალეგალურ გაზეთს ბრძოლა , მუშაობდა დობროვოლსკის არმიის პროპაგანდულ ორგანოებში. ქმართან ერთად გადავიდა რა ლონდონში, დიდი როლი ითამაშა რუსეთის გამათავისუფლებელი კომიტეტის  დაარსებასა და თეთრების მოძრაობის პროპაგანდაში, შემდგომ კი რუსი ლტოლვილების დასავლეთში მოწყობაში. ბევრი გააკეთა იმისათვის, რათა მათთვის საერთაშორისო ორგანიზაციების, მთავრობებისა და საზოგადოების ყურადღება მიექცია. დახმარების ხელს უწვდიდა უცხოეთში მყოფ რუსული კულტურის მოღვაწეებს. ძვირფასო არიადნა ვლადიმიროვნა! თქვენმა წერილმა არცთუ იოლი ამოცანის წინაშე დამაყენა. უპირველეს ყოვლისა, ...

Detail from Caravaggio's Nativity with San Lorenzo and San Francesco  XX საუკუნის დანაშაული - რას ფიქრობენ ექსპერტები 44 წლის წინ მოპარული იტალიელი მხატვრის შედევრზე? 1608 წლის შემოდგომაზე, მიქელანჯელო მერიზი და კარავაჯო XVII საუკუნის ყველაზე ორიგინალური მხატვარი გაქცეული იყო. ფიცხი და ამპარტავანი კარავაჯო - მედიდური გამომეტყველებითა და ქამარზე შებმული ხმლით მუდმივად შარში ეხვეოდა. ერთხელ არტიშოკებით უკმაყოფილომ ოფიცანტს თეფში ესროლა, ისიც მხოლოდ იმიტომ, რომ კერძი კარაქზე იყო მომზადებული და არა ზეთზე. ფეთქებადი ხასიათის გამო, ორი წლით ადრე კარავაჯო საზღვრებს გასცდა - აზარტული თამაშის ვალის გამო ჩოგბურთის მატჩისას ატეხილი ჩხუბის დროს ადამიანი მოკლა. მკვლელობისთვის გასამართლებამდე რომში გაიქცა და ხანმოკლე ცხოვრების დარჩენილი ნაწილი დევნილობაში გაატარა. იმ შემოდგომას, 1608 წელს, მას შემდეგ, რაც მოიარა ნეაპოლი და მალტა, კარავაჯო სიცილიაში ჩავიდა. მხატვარმა კუნძულზე თითქმის მთელი წელი იცხოვრა და ხანჯალმომარჯვებულს ეძინა. კარავაჯომ აქ რამდენიმე ტილო შექმნა, მათ შორის „შობ...

სასტუმრო “სერვანტესი” მას ჭკუაში სწორედ იმით დაუჯდა, რითაც ბევრს არ მოეწონებოდა – იგი სანახევროდ ბნელი, მდუმარე და უკაცრიელი იყო. გემზე ერთმა თანამგზავრმა უქო ეს სასტუმრო, უთხრა შიგ ქალაქის ცენტრშიაო... და აი, უკვე მონტევიდეოში ჩამოსულმა პეტრონემ მეორე სართულზე აიღო აბაზანიანი ნომერი, რომელიც პირდაპირ ჰოლში გამოდიოდა. თვალი მოავლო გასაღებებიან დაფას და მიხვდა, სასტუმრო თითქმის ცარიელი იყო. ყოველი გასაღებისათვის ვეება სპილენძის ნომერი მოებათ, მდგმურებს ჯიბეში რომ არ ჩაედოთ. ლიფტი ჰოლში გაჩერდა, ჟურნალების კიოსკისა და ტელეფონების სიის ახლოს, მისი კარიდან რამდენიმე ნაბიჯის მოშორებით ონკანში ცხელი, ლამის მდუღარე წყალი მოდიოდა, რაც ცოტათი მაინც აბათილებდა დახუთულობასა და სიბნელეს. პატარა ფანჯარა მეზობელი კინოთეატრის სახურავზე გადიოდა, რომელზეც დროდადრო მტრედები დასეირნობდნენ. სააბაზანოს მოზრდილი სარკმელი ჰქონდა, იქ უფრო გრილოდა, მაგრამ იქიდანაც მზერა ზედ კედელს ებჯინებოდა, ზევით კი ცის ნაგლეჯი რაღაც შეუსაბამობად მიაჩნდა. ავეჯი მოეწონა – უჯრები, თაროები და, რაც განსაკუთრებით იშვიათია, ტ...