ჰარპერ ლი რომან “ნუ მოკლავ ჯაფარას” გაგრძელებას გამოსცემს

პულიცერის პრემიის ლაურეატი ამერიკელი მწერალი ჰარპერ ლი რომან “ნუ მოკლავ ჯაფარას” გაგრძელებას გამოსცემს. ინფორმაციას გამომცემლობა ჰარპერის წარმომადგენლები ავრცლებენ. 304 გვერდიანი წიგნი სახელწოდებით "Go Set a Watchman" 2 მილიონიანი ტირაჟით გამოვა.

როგორც ცნობილია რომანზე მუშაობა ჰარპერ ლიმ ჯერ კიდევ 1950-იან წლებში დაასრულა, თუმცა რედაქტორის რჩევით არ დაბეჭდა.

თავად ავტორი, რომელიც დღეს 88 წლისაა ამბობს, რომ თხზულების ხელნაწერი დაკარგული ეგონა, თუმცა შარშან იპოვა. ჰარპერ ლის ახალი წიგნი აშშ-ში წიგნის მაღაზიების დახლებზე 14 ივლისს გამოჩნდება.